عاقل و منفعل

الأسعار........و الإنتحار !

بجد حاجه وسخه و مفيش أي لفظ تاني أأدب من كده ممكن أستخدمه !

يعني العمليه بقت مكشوفه طحن صراحه !

الريس يطلع في الخطاب الأسود عليه و عل إللي جابوه و يقولك "أنا قلت للحكومه تزود المرتبات ، قالولي مفيش موارد قلتلهم مليش دعوه ، قالولي 15 % قلتلهم 30% قالولي طب 20% طب 25 % قولتلهم لآلآلآ 30%"

هاااااااااااااااااااا تصفيق حاد للريس ياد منك ليه ليها ليهم !

تاني يوم زياده في أسعار الوقود بأنواعه .......و الحدق يفهم !

زياده في الوقود يعني زياده ف كل حاجه حضراتكم .لأن ك حاجه  الدنيا بتتنقل............نقوم نقول إيه إحنا ؟؟

يا سلاااام..شوفوا حنيه الريس .......و شوفوا الحكومه الدزمه بنت الدزمه إللي معندهاش شفقه ولا رحمه !

يعني السياسه المعتاده...النصر و العلاوات و المشاريع للريس ...و الهزيمه و صفر المونديال و توظيف الأموال و توشكى و الضرايب و زياده السعار للحكومه الكُخه الوحشه إللي معندهاش ضمير !

و نوّام البرطمان قصدي نواب البرلمان فين ؟؟........تصفيق حاد و موافقه عل الأسعار !

ياولاد ال........

يعني مفيش بني آدم يحس بمعاناه الناس و الشعب دا ؟؟

حتى لو النواب دول مرتاحين فين حقوق أبناء الدوائر إللي إنتاخبوكوا يا ولاد الدايرررررررررره ؟؟...هه؟؟

مفيش "دكر" يقوم يقف في نص المجلس دا و يقول "بصوا يا حكومه و بصّ ياريس إحنا يا عم مشكريين قوي مش عايزين علاوتك المنيله دي بس خلّوا الأسعار زي ماهيا " ّ!

مفيش رجاله؟..........كل الرجاله راحت ف الحرب ؟؟

و الناس دي هتعمل إيه؟؟

دانا بقبض شهرياً ألآف الجنيهات و مش عارف أعيش أومال إللي بياخد 600 و لا 700 جنيه (مش هقول 200 و لا 300)  و عنده عيال و بيت و زوجه عايش يعيشهم و يعلمهم و يداويهم يعمل إيه؟؟

خلاص الرحمه إنعدمت و الوصوليه بقت هيا الطريق ؟؟

دوس على أهل حتتك و اهل دايرتك و إصحابك و إخواتك و صفق عشان الحكومه ترضى عنك و تديك زياده ؟؟

إلهي يجيلكوا و يحطّ عليكوا من أول ريسكوا مروراً بحكومتكوا و نوابكوا و نهاياً بأصغر موظف يرفع إيده بالتحيه لكلب من كلابكوا 

اهلا بكى

05/26/2008

،

09:19 م

.. من قبل Anonymous

الموضوع واقعي ويكاد يكون صادم
اعجبتني جرائتك ولكن مع تحفظى الشديد
في اختيار الالفاظ وانت محق فيما قلته لا نملك الا
الدعاء لله ان ينجدنا مما نحن فيه
اشكرك حازم
لك ارق امنياتي

جرأتك تشد الإنتباه

05/26/2008

،

10:32 م

.. من قبل ameera1977

موضوعك هام جدا جدا وشكرا لجرأتك التي يخافها الكثيرون
بس الفت نظرك اخي حازم انك وقعت فيما اتهمتني به من قبل وانتقدتني به في مدونتي
هذه كلماتك

و شوفوا الحكومه الدزمه بنت الدزمه إللي معندهاش شفقه ولا رحمه !

يعني السياسه المعتاده...النصر و العلاوات و المشاريع للريس ...و الهزيمه و صفر المونديال و توظيف الأموال و توشكى و الضرايب و زياده السعار للحكومه الكُخه الوحشه إللي معندهاش ضمير !
يعني مفيش بني آدم يحس بمعاناه الناس و الشعب دا

تتكلم وتلوم الحكومة وتفصلهم هذه المرة عن الشعب
مع ان هذا تعليقك على مدونتي لوتذكره

ماشي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ماشي الحكومه وحشه لكن الشعب أخباره إيه؟
مش الحكومه دي من الشعب ؟ ولا من فنلندا ؟؟
وو لو جت حكومه تانيه و تالته و رابع و عاشره مش تعمل كده برضه؟
سلميلي عل الشعب
أخوكي حازم

أخوتي الأعزاء

05/27/2008

،

03:09 م

.. من قبل lastdinner

الشاب المجهول
معاك إن الألفاظ قاسيه لكن كتير بنكتب بقلبنا مش بقلمنا و دي ميزه النت
و ياريت تكتب إسمك و نتشرف بيك
أختي أميره
لو تلاحظي أنا كتب عن دور مجلس الشعب برضه
و فيه إشاره للشعب إن كان إختيارهم غلط لا ينتخبوا الناس دي تاني
و أشكركم جميعا
أخوكم حازم

أرسل تعليق
من:	*  عضو مسجل: [ دخول / التسجيل ]
* عنوان الموقع:
* البريد الإلكتروني:
الموضوع:
* النص:
* الرمز: