عاقل و منفعل

العرب......و الجَرب !

منفعل : يا أخي تصدق بأه العرب دول جَرب فعلاً !

عاقل : لا حول ولا قوه إلا بالله...ليه يا سيدي؟؟

منفعل : بقولك إيه متعمليش فيها إنتا العاقل ونا المجنون ، لا يا حبيبي أنا عاقل أكتر منك و بقول رأيي دا عن تجربه مش أي كلام ، أنا إشتغلت في الدول العربيه سنين واقدر أقولك فعلاً إن العرب دول جَرب و بالفُمّ المليان كمان !

عاقل : طب يا سيد العاقلين فاهمني ليه ؟

منفعل : أولاً دول أجدع ناس تاكل حقك من غير ذمّه ولا ضمير ولا دين و ثانياً دول أكتر ناس كدّابين في الدنيا و علي فكره أنا في شغلي عاملت العرب و الأجانب و دول شرق أسيا كمان ، و أقدر أقولك إن الكدب و قله الضمير دي في الجينات العربيه نفسها !

عاقل : يا سيدي مش معني إنك قابلت واحد أو إتنين أو حتى مجموعه إنك تقول كده علي العرب كلهم و دول إخواتك برضه ....عيب !

منفعل : بلا إخوات بلا أرف ،و متقوليش واحد أو إتنين ولا حتى مجموعه و متقوليش عيب ، العيب إنك تكون جاهل و مش عارف إنك جاهل ، إنك تكون أحمق و متخلف و فكرك إن الغرب الكفره دول ربنا سخرهم ليك إنتا يا كسلان يا عديم المنفعه عشان يخدموك ! ، العيب إنك تكون ناكر للجميل للي علمك و فَهمك و خلاك بني آدم ، إنك تكون ناكر للجميل حتى للغرب إللي إكتشفلك البترول و خلاك غني و إدّاك العلم و التكنولوجيا ونتا قاعد علي حيلك

عاقل : إنتا جبت الكلام دا منين بس؟؟

منفعل : منتا نايم في العسل يا عاقل بيه ، إنما أنا روحت و جيت و إتمرمطت  ، شوف العرب بيعاملوا المصري إزاي عندهم بكل تعالي و إحتقار عشان يطلعوا عليه النقص إللي عندهم ، شوف إزاي فرقه كامله المفروض إنها موسيقيه طالعه تشتم مصر و المصريين و تقول عليهم الشحاتين و الزبّالين و الحراميه ، شوف كميه الرشاوي إللي في الدول العربيه ، يا راجل دانا شوفت واحد سعودي بيشرب بطريقه سنه النبي (ص) و بياخد رشوه ! ، شوفت في اليمن و ليبيا ناس بتاخد رشاوي و توقع على إيصالات مايهمهاش لأن كل البلد كده !

عاقل : يا سيدي أولا الفرقه إللي بتقول عليها دي إتحبست من الملك السعودي نفسه يعني تعتبر حاله شاذه في السعوديه نفسها ، أمّا الرشاوي فا دي مع الأسف فعلاً ظاهره عربيه و ياريت تكون fair و تقول إنها في مصر كمان ! ، و بعدين ماهي مصر برضه بلد عربي !

منفعل : مانكرش إن المصريين فيهم كتير ، لكن مصر مش بالأساس عربيه ، و بعدين إحنا يا أخي برضه بنحاول نتعلم نتطور

عاقل : و حياتك إنتا إحنا فينا ناس متعجرفين و جاهله و كدّابين كتير قوي

منفعل : طب منا بقولك من الصبح.......................يبقي العرب إيه؟؟

بلاش نعمم

05/20/2008

،

09:07 م

.. من قبل popan

يعنى اكيد كل مجتمع فيه الحلو وفيه الوحش مش العرب بس الشياطين ومش الغرب هم الملايكة لكن لازم نحاول نطور نفسنا لان دينا امرنا بكدة . تحياتى

أنوثه

05/20/2008

،

11:47 م

.. من قبل Anonymous

عجبني اوي احوار بينكم ..ز
لكن اعتقد اني احنا وخدين وضعنا كمصرين معظم العرب بيحترمونا
فى اعتقادي احنا المصرين اكثر رقي من اي حد تاني منتظره المزيد لك ارق تحياتي

حاجه صعبه خالص00

05/21/2008

،

11:05 ص

.. من قبل rodhawp

لاتعليق00
تحياتى

بداية صح

05/25/2008

،

03:47 م

.. من قبل fadiabatisha

اخى العزيز حازم

نحن مجرد خلق ممن خلق الله

سنجد ناس محترمين ورائعين

وسنجد ايضا ناس يسرقون الكحل من العين

وكذلك فى كل الدنيا

انا احترم الانسان الجيد

بصرف النظر عن بلده

او دينه

او عرقه

ولك كل التحية على الموضوع الصعب على نفوس البعض

فادية

أرسل تعليق
من:	*  عضو مسجل: [ دخول / التسجيل ]
* عنوان الموقع:
* البريد الإلكتروني:
الموضوع:
* النص:
* الرمز: