عاقل و منفعل

إرفع رأسك يا أخي !

حاسس إنك ضعيف ؟...حاسس إن الظروف أقوي منك؟
حاسس إن "الدنيا معاكساك"؟؟....إنك مش واخد حقك؟
أو هوا دا حقك؟ ..و دا مقامك؟.. و دي قدراتك؟؟
حاسس إن الناس حواليك ركبوا السريع و إشتروا شقق و فيلل و ركبوا العربيات و إتجوزو و خلفوا ونتا محلك سر؟؟
حاسس إنك لازم تعمل حاجه؟....كويس قوي
لكن حاسس إنك معتز بنفسك و دا سبب فقرك و بؤسك ؟
حاسس إن لازم "تطاطي" شويه عشان تكسب شويه؟
بتقول لنفسك أهوه...أطاطي شويه و تكسب الناس شويه و تكسب منصب شويتين و تكسب فلوس تلات شويّات !
أوعي ّ!
أوعىّ تطاطي ولا تذل نفسك
أوعىّ تنحني للريح إن كانت ريح ظلم
إن كانت ريح ضد مبادئك
إن كانت ريح ضد ضميرك
أوعي تخلّي نفسك في يوم من الأيام تبص لماضيك بإحتقار
أوعي تخلي نفسك في يوم من الأيام تشك في القرش إللي معاك إن كان حلال ولا حرام
صدقني عزتك بنفسك و ثقتك في ضميرك أغلي من كنوز الدنيا
صدقني كلمه "الراجل داإبن حلال "من ست غلبانه أو عامل بسيط معاك في الشغل أغلي من اجدع كرسي ممكن تقعد عليه بالغش و التدليس و الحرام و النفاق
صدقني لو بعت نفسك و "طاطيت"مش هتاخد حتي إللي إنتا كنت عايزه!

صدقني 

والله احسنت

05/ 3/2008

،

11:35 م

.. من قبل popan

اشكرك على هذا الكلام الرائع ولو عمل به اهل الارض ماكان عليها مظلوم ولا شقى .
تحياتى

كفاية كده يا هندسة

05/ 4/2008

،

12:26 ص

.. من قبل masryeen

بلاش تدوس ع الجرح أووووووووووي...... مش بيوجع بس
.....لا بينزف..... كفاية الله يخليك
.... كلام مظبوط بس نعمل ايه ف نفسنا
.........
تحياتي

عفوك00و رضاك00

05/ 4/2008

،

11:37 ص

.. من قبل rodhawp

الله كريم00تحياتى

أرسل تعليق
من:	*  عضو مسجل: [ دخول / التسجيل ]
* عنوان الموقع:
* البريد الإلكتروني:
الموضوع:
* النص:
* الرمز: