عاقل و منفعل

البطوله تفرز البطل !

الحقيقه الكلمه دي عجبتني جداً أيام الدوره الإفريقيه من أخونا فاروق جعفر و هيا تم تطبيقها فعلياً علي فريق مصر إللي محدش كان متخيل إنه ممكن يحصل علي البطوله
و لما راجعت الكلمه دي حتي علي نفسي لقيتها صح....إزاي ؟
في حاجات كتير مكنتش متخيل إني أقدر أعملها لكن ونا فاضي كده أو مش في موقع مسؤليه
لكن لما إتحطيت في موقع المسؤليه و "إتزنقت"  قمت بيها و علي أكمل وجه الحمد لله !
يعني إيه ؟
يعني في الشغل ممكن قوي تحس إن زميلك دا بيخترع أو بيقوم بأعمال مش ممكن إنتا تقوم بيها
لكن لو إضطريتك الظروف إن تبدّل زميلك يعني تكون مكانه في أجازته أو تستلم منه أعماله عشان هيسيب الشغل مثلا

و بدأت تفهمِّ منه كل صغيره و كبيره مع عقليتك إنتا و خلفيتك عن المواضيع
هتلاقي نفسك بتعمل الشغل دا زيه و ممكن بعد فتره كمان تبدأ بكتر ممارستك للعمل تبتكر اساليب تخليه اسهل و أوضح و أسرع !
ممكن تكون مستصعب مشوار و فاكر إنك هتتوه ، لكن بمجرد ممارستك للقيام بيه تكتشف إنه سهل و إنه كمان فيه طريق أسهل من إللي مشيت فيه
 و لو قابلتك فيه بعض الصعوبات و فكرت إزاي تحلها هتلاقي نفسك وصلت لطرق جميله و اساليب لذيذه لحل المشاكل
هتكتشف إنك أصبحت أكثر ثقه في نفسك و أكثر تمرساً
و عندك إستعداد داخلي لحل أي مشكله و عدم الخوف منها
هتلاقي نفس "بطل" من غير ما تحس ....لأنك دخلت البطوله و عندك إستعداد و إصرار علي أن تكون بطل !

مستنين كاس العالم

05/ 2/2008

،

11:29 م

.. من قبل masryeen

لما هنروح كاس العالم اكيد هنسمع حكمة جديدة
... وهنستفيد منها
مع تحياتي

أرسل تعليق
من:	*  عضو مسجل: [ دخول / التسجيل ]
* عنوان الموقع:
* البريد الإلكتروني:
الموضوع:
* النص:
* الرمز: